Deputetja nga radhët e Lidhjes Demokratike të Kosovës, Vjosa Osmani e cila në vazhdimësi është shprehur kundër koalicionit PDK-LDK, vlerëson se subjekti i saj më shumë do të kishte pasur llogari që të qëndronte në opozitës për një vit e gjysmë se sa të bënte koalicion.
Ajo këto deklarata i bëri në emisionin Komiteti, përderisa theksoi se ajo vazhdimisht ka insistuar që LDK-ja të qëndrojë në opozitë, raporton fol.mk
“Unë kam insistuar që LDK-ja të qëndrojë në opozitë për një vit e gjysmë. Pse për një vit e gjysmë sepse neve na është thënë nga ata njerëz që negocionin në këto takime që PDK-ja me AAK-në do të shkojnë në koalicion në qoftë se ne nuk hyjmë me ta dhe në atë koalicion qeveria do ti kishte diku 67-8 vota, njëjtë sikur me AKR-në”.
“Çfarë do të ndodhte? Në shkurt të vitit 2016 ata nuk do të kishin kuorum për zgjedhjet presidenciale dhe për 60 ditë në do të shkonim në zgjedhje”, thotë ajo.
