Një dasmë është kthyer në tragjedi në Bursa të Turqisë. 22 vjeçarja Güllü Yurtoğlu është vrarë nga burri i saj 23 vjeçar Metehan Yurtoğlu, mëngjesin e së shtunës, i cili e goditi atë për vdekje me thikë. Vrasja është kryer në lagjen “Isabey” të Bursas, shkruan gazeta e madhe turke “Hyrriet”.
Metehan Yurtoğlu i kishte kërkuar 4 muaj më parë familjes së vajzës pëlqimin për t’u martuar, ndërsa kishin filluar përgatitjen për martesën zyrtare që pritej të bëhej të dielën e javës së ardhshme.
Ai e ka vrarë gruan me thikën e kuzhinës në shtëpinë e tyre pasi një debati midis tyre. Burri dyshohet se përdorte lëndët narkotike. Autori i ngjarjes fillimisht u arratis por më vonë u arrestua nga policia, e cila po heton për rastin.
