Pacolli konfirmon koncertin e Ritës në 10-vjetorin e Pavarësisë

Krahas aktiviteteve të shumta që janë paraparë të shënohen në kuadër të 10-vjetorit të Pavarësisë së Kosovës, është paralajmëruar edhe një koncert i Rita Orës në Prishtinë.

Këngëtarja shqiptare me famë botërore pritet t’i argëtojë fansat e saj të shumtë në qendër të kryeqytetit me datën 17 Shkurt.

Mirëpo, ministri i Punëve të Jashtme dhe zëvendëskryeministri i Kosovës, Behgjet Pacolli, ka qartësuar se koncerti do të mbahet.

Në një intervistë për Klan Kosova, ai e ka konfirmuar pjesëmarrjen e Ritës në koncertin që do të organizohet në kuadër të 10-vjetorit të Pavarësisë.

Pacolli, i cili është duke qëndruar për vizitë në Kuvajt, ka bërë të ditur që është takuar me homologun e tij dhe kanë diskutuar për mundësitë e bashkëpunimit në të ardhmen.

Nga ana tjetër, Rita vazhdon të shijojë sukseset e këngëve “Anywhere” dhe “For You”.

SHPËRNDAJE