Mangësitë e ushqimit në Korenë e Veriut duket se kanë detyruar liderin autoritar Kim Jong-Un të urdhërojë dorëzimin për ushqim të të gjithë qenve të mbajtur në shtëpi nga qytetarët, duke i quajtur “simbol i borgjezisë e dekadencës”, shkruan Daily Mail.
Kim ka shpallur në korrik se zotërimi i një kafshe shtëpiake është kundra ligjit dhe se mbajtja e një qeni në shtëpi është “tendencë e ideologjisë borgjeze”.
“Autoritetet po identifikojnë shtëpitë që kanë qen dhe po i detyrojnë t’i dorëzojnë, ose i konfiskojnë me forcë për t’i vrarë”, tha një burim për rrjetin korean-jugor Chosun Ilbo.
Disa prej qenve dërgohen në kopshtet shtetërore zoologjikë dhe të tjerë u shiten restoranteve të mishit të qenit.
Mishi i qenit konsiderohet si delikatesë në gadishullin korean edhe pse tradita po shuhet në Korenë e Jugut, edhe pse llogaritet se aty rreth 1 milion qen rriten në ferma për ushqim.
Preferohet më shumë në sezonin e nxehtë veror dhe besohet se jep forcë dhe ai shërbehet me supë pikante ose i zier në gjellë perimesh.
Sipas OKB-së, 60 për qind e popullatës prej 25.5 milionë e Koresë së Veriut përballen me mangësi të ushqimit, si pasojë e sanksioneve për shkak të programit raketor të vendit. /kp/
