Kryetari i BDI-së, Ali Ahmeti, sot para mbledhjes së Këshillit të Përgjithshëm të partisë, ka dënuar deklaratën e anëtares së BDI-së, Shkodrane Dardhishta, e cila ka thënë se ende po i mbajnë çizmet në tavan, çizme këto të dala nga lufta.
BDI ka liri në kauzë dhe deklarata të tilla nuk janë në interes të partisë dhe kauzës, tha Ahmeti para mbledhjes së Këshillit të Përgjithshëm të partisë në Tetovë.
Dardhishta tha dje të mos luajmë me zjarrin, pasi partitë opozitare së bashku me Lëvizjen BESA shpallën shumicën e re parlamentare.
– Kemi ende çizmet në tavan në shtëpinë e vjetër, i nxjerrim atletet e bardha për një orë. Ne nuk jemi jetimë, kemi dalë pas luftës. Mos luani me zjarrin se në fund do digjeni veten në të, kishte shkruar ajo në Facebook.
