Qeveria LSDM –BDI e cila e nisi rrugëtimin e vetë si Qeveri Reformatore, nga qytetarët u prit е si Qeveri shpëtimi, që do siguronte kushte normale për jetë më të dinjitettshme, mbase edhe kishte një fillim të suksesshëm që premtonte ardhmëri më të mirë . Një fillim i mbarë, kur në qeverisje merrte pjesë edhe Aleanca për shqiptarët, ishte shpresëdhënës edhe për shqiptarët. Tani më, në rrumbullaksimin e një vjetorit të kësaj qeverisjeje, si duket, shpresa për suksese, si rezultat i premtimeve në fusha të ndryshme të shoqërisë po shuhet.
Me këtë rast, Aleanca për Shqiptarët vlerëson se kjo qeverisje dështoi në shumë plane të premtimeve parazgjedhore.
• Zhagitja e hyrjes në fuqi e Ligjit të Gjuhës shqipe, që ishte projekti më serioz i Marrëveshjes së Ohërit dhe mosgatishmëria e Kryetarit të Parlamentit ta shpall atë në Fletën zyrtare, dëshmoi se BDI, nuk ka kapacitete të plota qeverisëse.
• Mos përfillja e Partive shqiptare opozitare për çështjen e emrin në tryezën e liderëve, për Zgjedhjen e Kontekstit të emrit të Maqedonisë, dhe përfaqësimi i shqiptarëve vetëm nga BDI që sipas rezultateve të fundit zgjedhore nuk e përfaqëson shumicën e shqiptarëve.
• Dështimi në Reformat e sistemit të drejtësisë.
Zgjedhja aq e pritur e Prokurorit Publik dështoi që në fillim. Puna e parë e Prokurorit Publik ishte rikualifikimi i veprës penale për rastin e Almirit, nga vrasje me paramendim, në një incident të thjeshtë komunikacioni.
• Zgjedhja e disave nga kryetarët e Gjykatave themelore, nga Këshilli gjyqësor republikan, ishte me ndikim politik të LSDM dhe BDI, sepse zgjodhën kuadro të afërt më këto dy subjekte politike, ashtu siç vepronte VMRO-BDI gjatë qeverisjes paraprake.
• Këshilli Gjyqësor republikan, në asnjë mënyrë nuk e garanton pavarësinë e gjyqësorit, po e pengon edhe më shumë autonominë e tij , konstatim ky që u vërtetua edhe nga raporti i Pribesë.
• Mosndëshkimi i gjykatësve, prokurorëve, dhe inspektorëve të policisë, që kanë montuar procese politike me dënime maksimale siç është rasti i Sopotit, i Monstrës si dhe heshtja e vazhdueshme për ta zbardhur rastin e Kumanovës.
• Dinamika e ngadalshme e procesuimit të lëndëve të ndryshme për vepra penale që janë hapur nga Prokuroria Publike Speciale.
• Dështimi i Këshillit për reforma në drejtësi, që u dëshmua edhe nga dorëheqja e disa ekspertëve të kësaj fushe.
• Mosndëshkimi i disa zyrtarëve të BDI-së që kanë qenë pjesë e qeverisjes me VMRO për të cilët ka dyshime për vepra të ndryshme penale, korrupsion, krim të organizuar dhe falsifikim zgjedhor.
Disa nga këto vërejtje u theksuan edhe në raportin e progresit për Maqedoninë.
Këto ishin vetëm disa nga vërejtjet që i pengojnë reformat e premtuara në sistemin e drejtësisë.
• Dështimi i reformave për zhvillim Ekonomik.
• Maqedonia është vendi i vetëm në Ballkan që nuk shënoi rritje ekonomike në vitin 2017,fakt ky që u vërtetua edhe në dialogun e Bashkimit Evropian me shteteve të Ballkanit perëndimor.
• Rritja e borxhit publik si në kohën e regjimit të kaluar.
• Vazhdon edhe me tej diskriminimi ekonomik ndaj shqiptarëve, andaj pyesim Kryeministrin Zaev, ku është përmirësuar gjendja në shpërndarjen e parasë publike për komunat shqiptare, dhe nga rritja e 18 milionë eurove për trasnferet për pushtetin lokal, sa ndahen për komunat shqiptare?
• Nga rritja për 50 % të buxhetit e fondit për vise të pazhvilluara e pyesim kryeministrin Zaev, sa nga këto mjete planifikohen për Komunat shqiptare.
• Dhe pse Ministrat shqiptarët menaxhojnë me ministritë vetëm me 5% të mjeteve buxhetore?
• E pyesim Kryeministrin Zaev nëse punësimi qenka prioritet për qeverinë, pse kjo e drejtë iu mohohet qytetarëve të Gostivarit me bllokimin e buxhetit nga ana Juaj, dhe a është ky diskriminim mbi baza etnike?
• Dështimi i reformave të premtuara në Arsim dhe Shëndetësi.
• Reformat në Arsim dhe Shëndetësi as që kanë filluar, ndërsa infrastruktura vazhdon të jetë e mjerueshme në këto institucione.
• Qeveria aktuale as që i ka nisur hapjen e vendeve të reja të punës, për të ndaluar ikjen e të rinjve nga vendi që kohëve të fundit po merr përmasa katastrofale.
• Pyesim Kryeministrin Zaev, ku mbeti motoja e tij për Jetë të barabartë, për të gjithë, kur me marrjen e kompetencave në menaxhimin me arsimin, ndëshkohet vetëm një Komunë shqiptare.
• Dhe krejt në fund, si mendon Kryeministri Zaev dhe Qeveria e tij se do ti zbatojë reformat e paralajmëruara me partner koalicioni, përgjegjës për dështimet e qeverisë së kaluar? – deklaroi zëdhënësi i ASH-së, Flakron Bexheti, në konferencën e mbajtur për shtyp me rastin e një vjetori të Qeverisë./Fol/
