Kryetari i BDI-së Ali Ahmeti, ka reaguar pas vendimit të kryeministrit të Kosovës, Ramush Haradinaj për të dhënë dorëheqje nga posti i tij, pas marrjes së një ftese për paraqitje në Gjykatën Speciale në cilësinë e të dyshuarit.
“Po si nuk tu ndanë vështirësitë një herë or burrë!?”, është shprehur ai, në fillim të një shkrimi të tij në fejsbuk.
“U njohëm në vështirësi, dhe ia dolëm. Në çdo vështirësi dole ngadhnjimtar dhe jam i sigurt që do të ngadhnjesh edhe ndaj kësaj vështirësie të padrejtë të rradhës”, ka shkruar Ahmeti.
“Jam i bindur që ti më së miri edhe këtë herë do ta dëshmosh luftën e drejtë të këtij populli për liri, demokraci, pavarësi”, ka thënë Ahmeti në fund.
