Asfaltimi i një rruge me vetëkontribut të banorëve të Strimnicës – Komuna e Zhelinës ka hapur mjaft debate, si ndërmjet vetë banorëve të Strimnicës ashtu edhe në opinion e gjërë publik, ku me të drejtë qytetarët reagojnë për pafuqinë e pushetit lokal për tu dalë në ndihmë qytetarëve. Rasti Strimnicës si dhe rasti i asfaltimit të rrugës për te arrat e kryetarit të Komunës së Tearcës, kanë lënë hije të zezë mbi personalitetin e njerëzve që përkohësisht ushtrojnë detyrat e të parëve të komunave respektive, që njeherit janë edhe kuadro të BDI-së. Si emërues të përbashkët të punës së tyre, të dy këta këta Kryetarë komunash parasëgjithash duket se kanë interesin e tyre privat para përgjegjësisë publike. I pari pa fije turpi mobilizon dhe autorizon me vulën e Komunës të afërmit e tij në diasporë për të mbledhura mjete financiare për ndërtimin e një parku të vogël në fshatin e tij, e nga ana tjetër edhe atë pak asfalt që ka siguruar nga buxheti i Komunës e drejton te arrat e veta. Ndërsa ky i dyti, përveҫ se i rrjepi qyetarët e Komunës së Zhelinës duke u marrë shuma të mëdha të parave për projektet siҫ thotë ai me “Kofinancim”, për jo më shumë se dhjetë kilometra kanalizim, që paska ndërtuar në disa venbanime të kësaj Komune, ai tani ka filluar tu kërkoj edhe disa Euro (6000) qyetarëve të Strimnicës për asfaltimin e 450 metrave rruge që vetë e ka shkatëruar. Është e habitshme heshtja e tij! Me gjithë faktin se është përfolur në media se ai vetë u ka kërkuar ndihmë në para strimnicasve , për të përfunduar këto pak metra asfalt , për shkak të mungesës së fondeve, fonde këto të cilat ishin të bollshme në rastin kur duhej asfaltuar rruga që të shpie për te Restoranti i tij. Kryetari i Komunës si më i thirur që është për të dhënë llogari para banorëve të Strimnicës për skandalin me asfaltimin e rrugës së përmendur ai ka angazhuar “Argatin “ e tij, një banorë i Strimnicës dhe i punësuar në Komunë i cili në mungesë të përvojës në menaxhimin e situatave të tilla ka irituar tejmase banorët e lagjes me një status dhe disa komente në profilin e tij në fejsbuk ku ka ofenduar rrëndë banorët e lagjes “si mosmirënjohës” për shkak se në vend të 200 metrave katrorë pllaka begatoni falë zotësisë së tij u paska sjelle 500 metra katrorë , dhe në këtë mënyrë kanë zbehur kontributin e Komunës . Pas reagimeve të shumta “argati” i pushtetit i ka fshirë komentet, duke mos mbajtur llogari se “mosmirënjohësit” kanë regjistruar komentet e tij dhe të njëjtë i kanë dërguar në adresë të portalit fol.mk , që për arsye etike nuk e bëjm të njohur identitetin e këtij mosmirënjohësi fotot e të cilit i sjellim më poshtë:
© fol.mk