Euro komisari për politikë të mirë fqinjësore dhe zgjerim Johannes Hahn, sot në mëngjes ka thirrur në një takim urgjent ndërmjetësit e Marrëveshjes së Përzhinos, deputetët evropian Riçard Hoit, Ivo Vajgel dhe Eduard Kukan. Në këtë takim do të diskutohet rreth vendimit të mbrëmshëm të presidentit Ivanov për ndërprerje të proceseve gjyqësore kundër liderëve politik.
Informatën për takimin e bëri të ditur vetë Riçard Houit, i cili krahas fotografisë nga takimi shkroi se së shpejti do të dalin edhe me njoftim lidhur me takimin e sotshëm.
Përndryshe Hahn dhe Houit që mbrëmë e dënuan vendimin e Ivanovit, duke thënë se ai nxit brengosje serioze për sundimin e ligjit të së drejtës.
Hahn përmes rrjetit social kishte shkruar: “Akti i presidentit Ivanov nuk është në vijë me kuptimin tim për sundimin e së drejtës. Duke u nisur nga këto zhvillime, kam dyshime serioze për atë nëse janë të mundshme zgjedhje të besueshme. Liderët politik duhet ta dinë se aksionet e ndërmarra kohës së fundit e rrezikojnë të ardhmen euroatlantike të vendit. Demokracia nënkupton kompromis dhe shërbim ndaj qytetarëve. Thërras të gjitha partitë politike t’ju kthehen negociatave dhe të punojnë për reforma”.
