Pas lajmit të publikuar në media se pjesë e qeverisë Rama 2 mund të jenë edhe shqiptarë nga Kosova e Maqedonia, kanë filluar të lakohen edhe emrat e personave të cilët do të drejtonin dikastere të ndryshme. Kështu për postin e ministrit të punëve të jashtme, është përfolur emri i Veton Surroit nga Kosova, ndërsa nga Maqedonia lakohen emrat e gazetarit Nazim Rashidi , që për një kohë ishte këshilltar në Ministrinë e Kulturës, dhe regjisorit Sulejman Rushiti. Flitet se njërit prej tyre mund ti besohet drejtimi i ministrisë së kulturës. Edhe pse të dy janë figura të njohura, njëri në fushën e gazetarisë kurse tjetri mes njerëzve të artit dhe kulturës jo vetëm për faktin që kanë mbaruar studimet në Tiranë por sepse kanë qenë të pranishëm herë pas here me punën e tyre profesionale në Shqipëri dhe Kosovë. Mbetet të kuptohet se çfarë do të do të vendoset,pasi që tashmë Sulejman Rushiti ka shpallur kandidaturën për kryetar komune në Gostivar në zgjedhjet e 15 tetorit me shanse reale për të fituar.
©fol.mk