Pas miratimit të vendimit nga ana e Gjykatës Administrative për rivotim në vendvotimin numër 2011 në Tearcë, Portali TetovaSot bëri një analizë për ndikimin e mundshëm të votave që subjektet politike do të fitonin me 25 dhjetor 2016.
Në zgjedhjet e 11 dhjetorit 2016, subjektet politike ose koalicionet që garuan në zgjedhje, në këtë vendvotim morën vota si në tabelën më poshtë:
Nr | Subjekti Politik | Votav në vendvotimin 2011 |
1 | VMRO | 91 |
2 | PDSH | 64 |
3 | BDI | 53 |
4 | LSDM | 87 |
5 | LRPDSH | 25 |
6 | BESA | 65 |
7 | Tjera | 2 |
8 | Të pavlefshme | 17 |
Gjithësejt: | 404 | |
Numri i votuesve: | 714 | |
Përqindja e daljes: | 56.58% |
Kurse, në nivel të njësisë zgjedhore numër gjashtë, subjektet politike që garuan në zgjedhje, para dhe pas vendimit të Gjykatës Administrative, kanë këto rezultate:
Nr | Subjekti politik | Votat në njz 6 (11 dhjetor 2016) | Votat në vendvotimin nr. 2011 | Votat në njz 6 pa vendvotimin nr. 2011 |
1 | VMRO – DPMNE | 26315 | 91 | 26224 |
2 | PDSH | 16225 | 64 | 16161 |
3 | BDI | 40599 | 53 | 40546 |
4 | LSDM | 25828 | 87 | 25741 |
5 | Blloku i tretë | 239 | 1 | 238 |
6 | PPD | 1142 | 0 | 1142 |
7 | Aleanca për shqiptarët | 17970 | 25 | 17945 |
9 | VMRO për Mk | 919 | 1 | 918 |
10 | BESA | 25054 | 65 | 24989 |
Të pavlefshme | 3671 | 17 | 3654 | |
Gjithesejt: | 157962 | 404 | 157558 |
Me aplikimin e formulës së D`Hontit, për të llogaritur mandatet, do të shihet se numri i mandateve edhe pa votat e këtij vendvotimi (2011) mbetet i pandryshuar për subjektet politike.
Mandatet per depuetet ne njz 6 | |||||||||||
Nr | Subjekti Politik | Votat në njz 6 pa vendv 2011 | 1 | 2 | 3 | 4 | 5 | 6 | 7 | Mand | % |
1 | VMRO | 26224 | 26224 | 13112 | 8741 | 6556 | 5245 | 4371 | 3746 | 4 | 12.9 |
2 | PDSH | 16161 | 16161 | 8081 | 5387 | 4040 | 3232 | 2694 | 2309 | 2 | 6.5 |
3 | BDI | 40546 | 40546 | 20273 | 13515 | 10137 | 8109 | 6758 | 5792 | 6 | 19.4 |
4 | LSDM | 25741 | 25741 | 12871 | 8580 | 6435 | 5148 | 4290 | 3677 | 3 | 9.7 |
5 | LRPDSH | 17945 | 17945 | 8973 | 5982 | 4486 | 3589 | 2991 | 2564 | 2 | 6.5 |
6 | BESA | 24989 | 24989 | 12495 | 8330 | 6247 | 4998 | 4165 | 3570 | 3 | 9.7 |
Gjithesejt: | 151606 | 20 | 64.5 |
Mirëpo, duke pasur parasysh që numri i votuesve në vendvotimin numër 2011 është 714 dhe duke analizuar edhe votat e marra në raundin e parë, rivotimi në këtë vendvotim ndikon në rezultatin përfundimtar. Kështu që për mandatat do të “luftojnë” partitë politike maqedonase, VMRO – DPMNE për ta ruajtur mandatin e katërt dhe LSDM për ta marrë mandatin e katërt në njësinë zgjedhore numër 6. Pra, mandatet e subjekteve politike shqiptare në këtë njësi nuk rrezikohen, por edhe shanset për të siguruar një mandate plus shqiptar në këtë rast janë të pamundshme.
Dallimi në vota në mes VMRO – DPMNE-së dhe LSDM-së në nivel të njësisë zgjedhore numër 6 është 483 vota. Në fakt kaq është numri i votave që i nevojitet LSDM-së për tu barazuar me VMRO – DPMNE-në. Mirëpo, për të siguruar mandatin i nevojiten 487 vota, sepse numri i votave të fituara pjesëtohet me numrin e mandatit që dëshirohet të merret, në këtë rast me numrin 4.
Në vendvotimin numër 2011 ku gjithsejtë ka 714 votues, në zgjedhjet e mbajtura me 11 dhjetor kanë votuar 404 votues ose 56.58 %.
Nëse VMRO – DPMNE nuk do të merr pjesë në zgjedhje, ashtu siç edhe njoftuan, atëherë terreni për LSDM-në në këtë rast është më i lirë për të fituar më shumë vota se sa në raundin e parë më 11 dhjetor 2016. Mirëpo, që të arrihet numri i votave 483, kjo do të thotë që të dalin të votojnë 67,6 % e votuesve në atë vendvotim. Në këtë rast numri i deputetëve në mes dy subjekteve politike maqedonase do të barazohej 50:50.
Nëse VMRO – DPMNE edhe përkundër njoftimit se nuk merr pjesë në rivotimin e 25 dhjetorit ajo do të arrijë të sigurojë votat e saja të raundit të parë, pra 91 vota, atëherë LSDM-së do t`i nevojiten 578 vota. Kjo mund të arrihet nëse dalshmëria është 95 %, që praktikisht është e paarritshme! Në këtë rast numri i deputetëve do të ngelej i pandryshuar, VMRO – DPMNE 51, LSDM 49, BDI 10, BESA 5, Aleanca për Shqiptarët 3 dhe PDSH 2 deputet.
Deri më tani subjektet politike shqiptare nuk janë prononcuar se cilin subjekt politik maqedonas do të përkrahnin në rivotimin e 25 dhjetorit. Sipas informative të redaksisë sonë, asnjë subjekt politik shqiptar nuk do të del haptas të bëj apel për përkrahje, kurse në terren do të orientojnë votuesit e tyre për njërin subjekt politik./TetovaSot/