Sot në Tetovë në praninë e gjysmës së kuvendarëve në mbledhjen e kuvendit qendror të RDK-së , të inicuar nga nje grup i Kryesisë Qendrore është shkarkuar Vesel Memedi kryetari i RDK-së dhe në vend të tij është emëruar Fadil Zendeli.
Pas përfundimit të mbledhjes së Kuvendit Qendror të Rilindjes Demokratike Kombëtare, kryetari i posazgjedhur para mediumeve deklaroj: “Mund të konfirmoj se me ndryshimet që ndodhën në këtë kuvend qendror të RDK-së në drejtim të udhëheqsisë, më kanë emëruar si kryetar i ri i kësaj partie”. “Unë konfirmojë sot se RDK-ja fuqishëm lufton për vlerat demokratike brenda partisë dhe në ruajtjen e të gjithë vlerave demokratike në funksionimin e institucioneve demokratike partiake”. Më tej z. Zendeli shtoj se: “RDK-ja nën udhëheqjen e tij do të vazhdojë fuqishëm bashkëpunimin me Lëvizjen për Reforma-PDSh dhe Aleancës për Shqiptarët, poashtu edhe në bashkimin e opozitës shqiptare”
Ndërkaq i menjëhershëm ka qenë edhe reagimi i kryetarit të shkarkuar të RDK-së , z. Vesel Memedi i cili poashtu sot në ora 12 zhvillojë një takim me antarësin e gjërë të RDK-së në selinë kryesore në Gostivar. Ai në një prononcim për Aktpress tha se : “Nuk komentohen festat private të individëve që nuk janë antarë të RDK-s” dhe se “Nuk merrem me njerëz jo legjitim që janë shkarkuar dhe suspenduar nga partia”
Nga burime konfidenciale mësohet një e vërtetë se me rastin e kuvendit të ditës së sotme në Tetovë, ishte i dyshimt kuorumi i kërkuar për vazhdimin e mbledhjes sipas pikave të parapara të rendit të ditës.
Zhvillimet e fundit në RDK, nuk kanë mbetur pa u komentuar edhe nga opinionistët e shumtë të cilët unanimisht vlerësojnë se ngjarrjet në RDK, llogariten si shumë të dëmshme për opozitën shqiptare. /fol.mk
ndiqni kroniken e huazuar nga Alsat-M