Përmes takimeve me qytetarët e Ohrit, por edhe vendbanimet si Peshtan, Raçë, Eleshan dhe vendbanimet e tjera dëshirojmë qytetarëve t’ua prezentojmë të gjitha projektet që i planifikojmë t’i realizojmë për Ohrin në periudhën që pason.
Kirill Pecakov ka mbështetje të madhe në raundin e parë, por më 31 tetor fillojmë nga zero, prandaj ju bëj thirrje qytetarëve të Ohrit për masivitet të madh pasi vetëm kështu mund t’i mundin presionet, kanosjet, shantazhet dhe presim të përforcohen ditëve në vijim, porositi sot nga Peshtani lideri i VMRO-DPMNE-së, Hristijan Mickoski.
Mickoski tha se beson në popullin e Ohrit, në qytetarët, në nderin e tyre, duke i potencuar si njerëz që e ruajnë fytyrën dhe potencoi të kota janë përpjekjet e pushtetit më 31 tetor qytetarët e Ohrit do të zgjedhin të ardhme të re, siç tha, “të ardhme projektesh, fitoresh dhe ndryshimesh”.
Raportin e fundit të KE-së, Mickoski e vlerësoi si mjaft të keq, pasqyrë e asaj që ekziston në vend, ndërsa opozita vazhdimisht e thekson, siç tha, “nivelin jashtëzakonisht të lartë të krimit dhe korrupsionit që mbizotëron në Maqedoni, mungesën e reformave”.
“Pesë vite na bindinin se jemi duke negociuar, ndërsa as nuk i kemi nisur negociatat. Tani shtesë shitet esenca maqedonase, duke menduar se do të fitohet diçka, ndërsa nuk është asgjë tjetër pos luftë për qëndrimin politik të Zaevit për edhe disa muaj për tenderë, pushtet”, tha Mickoski.
