LR-PDSH: Dështimi i bisedimeve, dëshmi se liderët me afat të skaduar përjetojnë ditët e fundit në politikë!

Komunikatë:
 
Lëvizja për reforma PDSH në vazhdimësi ka paralajmëruar që Marrëveshja e Përzhinos nuk respektohet ashtu siç ishte paraparë dhe shkeljet e një pas njëshme të afateve kohore do të pamundësojnë implementimin efektiv të saj.
 
Dështimi i bisedimeve të djeshme me ndërmjetësimin e Komisionerit Hahn, është edhe një dëshmi që në Maqedoni liderët me afat të skaduar politik, po përjetojnë ditët e fundit të jetës politike. Ata nuk janë të interesuar për të ardhmen e vendit dhe për të punuar në të mirë të qytetarëve, prandaj legjitimitetin e marrë nga zgjedhësit e përdorin për interesa private dhe jopolitike.
 
 Ata të cilët kanë ngritur kurthe për të vështirësuar apo ngadalësuar këtë proces, nuk duhet të ju jepet e drejtë e negociimit të mëtejshëm sepse tek ata nuk egziston vullneti për gjetjen e kompromisit. Lëvizja për reforma PDSH konsideron se fatet e dy milion banorëve që jetojnë në këtë vend janë më të rëndësishëm se fati i katër liderëve politik që ngulfasin atë, prandaj, apelojmë faktorin politik ndërkombëtar në këto momente të vështira për vendin, të merr në duar të veta situatën.
 
Shërbimi për informim LR-PDSH
 
flamuri