Manchester City nuk ka të ndalur. Në javën e 29-të të Premierligës, të besuarit e Pep Guardiolas e kanë mposhtur me rezultat minimal Chelsean, 1-0, duke ia vështirësuar punët “Bluve të Londrës” për një vend që dërgon në Ligën e kampionëve.
Golin e vetëm dhe të tri pikëve e realizoi Bernardo Silva në minutën e 46-të të ndeshjes.
Manchester City tani ka shkuar në kuotën e 78 pikëve, 18 më shumë se vendi i dytë, Liverpooli, ndërsa Chelsea mbetet në pozicionin e pestë me 53 pikë, 5 larg zonës Champions.
