Udhëheqësi i Lëvizjes Qytetare URA në Mal të Zi, Dritan Abazovic, tha se ishte e vërtetë që atij iu ofruan 21 milionë euro ryshfet për të mos rrëzuar nga pushteti Milo Gjukanoviç.
BG-INTERVJU-ABAZOVIC-010920-MDK-20200901-122622920-.mxf.465_07.Still001
Megjithatë, ai tha se paratë nuk u ofruan nga biznesmeni i përfolur Haris Brčvak. Biznesmeni Miodrag Daka Davidović pretendoi se Brčvak, i njohur për publikun për punën e tij humanitare, u përpoq të korruptojë Abazoviç me 21 milion euro, gjë që Brčvak e mohoi.
Abazoviç i tha TV Vijesti se “shuma e përmendur nga Davidoviç nuk është gënjeshtër, por nuk erdhi nga Brčvak “.
“Unë uroj gjitha të mirat për z. Brcvak dhe gjërat që ai bëri për Malin e Zi janë për t’u vlerësuar. Do të ishte jashtëzakonisht joserioze të thuash kush e ofroi atë” tha ai.
Duke folur për tema të tjera, Abazoviç tha se pas disa raporteve në media se ai ishte kërcënuar nga “klani i Naser Kelmendit”, ai tha se u kontaktua nga “një anëtar i afërt” i familjes Kelmendi, i cili i tha se familja ndjente neveri që ishte përfolur në media.
Më herët, URA njoftoi se Abazoviç u kërcënua nga anëtarët e “grupeve të caktuara kriminale nga Kosova“, por ata nuk dhanë detaje, ndërsa policia tha se nuk kishte një informacion të tillë.
Duke folur për transferimin e pushtetit, Abazoviç tha se ai ishte në një mënyrë paqësore dhe dinjitoze, “gjë që ai nuk e priste sepse priste rezistencë”.
“Nuk prisja një kataklizëm, por prisja më shumë rezistencë. Unë ia atribuoj meritat të gjithë aktorëve politikë dhe qytetarëve që treguan se ata kanë një vetëdije më të madhe politike sesa menduam, dhe unë jam mirënjohës ndaj partnerëve ndërkombëtarë, roli i të cilëve nuk ishte i vogël,” tha Abazovic.
Deklaratat u bënë mbrëmjen e shkuar, ndërsa sot ai është zgjedhur nga Parlamenti malazez në postin e zv/kryeministrit.
