Dy tifozë rusë janë shtruar në spital me lëndime të rënda në trup, pasi u goditën me thika pas ndeshjes miqësore të futbollit mes “Yllit të Kuq” të Beogradit dhe Lokomotivës së Moskës.
Ministri i Brendshëm serb Nebojsha Stefanoviç tha të dielën se policia ishte në kërkim të autorëve të sulmit të ndodhur të shtunën vonë.
Media serbe raportojnë se tifozët rusë u sulmuan nga përkrahësit e Partizanit të Beogradit dhe rivalë të “Yllit të Kuq”.
Gjatë ndeshjes, skuadra vendase fitoi 2 me 1, ndërsa ndeshja kishte si synim nxitjen e miqësisë tradicionale midis dy popujve.
Stefanovic thotë se “askush nuk duhet të mendoj se ata mund të dëmtojnë miqësinë serbo-ruse me sulme të tilla”.
Agjencia ruse e lajmeve “Tass”, shkruan se njëri prej tifozëve është në gjendje të rëndë shëndetësore, ndërsa një i tretë u plagos lehtë.
Agjencia shkon më tej kur deklaron se tifozët u sulmuan nga shqiptarët.
Tifozët po marshonin me flamujt e tyre në rrugë pas ndeshjes, kur shpërtheu dhuna midis tyre.
