Tregtarët zviceranë: Fanellat e Shqipërisë po shiten si “hallvë”

Tregtarët zviceranë janë ankuar se ka pak interes për të blerë fanella të Zvicrës dhe shumë për të blerë atë shqiptare, shkruan gazeta “Schweiz am Sonntag”.

Nëse për kombëtaren e drejtuar nga Petkoviç nuk ka eufori, krejt e kundërta mund të thuhet për kombëtaren e drejtuar nga Xhani De Biazi.

“Artikujt e Shqipërisë, nga fanella e deri te artikujt e vegjël, po shiten si të ishin panine”, u shpreh një tregtar për median zvicerane.

“Nuk do të habitesha nëse do të shesim më shumë fanella të Shqipërisë sesa të Zvicrës”, shtoi ai.

Sa i takon lojtarëve të Zvicrës, fanella më e kërkuar në treg është ajo e lojtarit me origjinë nga Kosova, Xherdan Shaqiri.

Përgjegjësi i marketingut të kompanisë “Athleticum” ka deklaruar se deri tani, fanella më e shitur në pikat e saj në Zvicër ka qenë ajo shqiptare.