Sekuestrohen rreth 2 ton kanabis në formë çokollate mëngjesin e së premtes, 2 mars 2018. Lënda narkotike u gjet në një anije peshkimi me flamur të huaj, në të cilën gjendeshin katër shtetas sirianë.
Anija u ndalua nga zyrtarët e Gardës Bregdetare, 40 milje në jug të Kretës, pranë Lerapetras.
Sipas informacioneve, pas identifikimit në det të hapur të anijes 20 metra të gjatë, në operacion për kapjen e saj u përfshinë Divizioni i Sigurisë i Shtabit Qendror, një anije me staf të forcave speciale dhe dy avionë, një nga Forcat Ajrore të Greqisë dhe dhe një nga Frontex.
Anija e peshkimit pretendohet se është nisur nga një port i Qipros drejt një porti të ndonjë prej vendeve europiane.
Ekuipazhi i anijes është arrestuar.
