Angazhimet gjatë fushatës parazgjedhore për partitë amë si duket kanë shteruar “bateritë” e krerëve të dikastereve qeveritare. Gati një javë pas ditës së votimit, ekipi i TV ALSAT vizitoi disa ministri, por asnjërin nga Ministrat nuk gjeti në kabinet. Në komunikim me zyrtarët, ata thanë se nuk kanë marrë pushimin vjetor. Por portierët na thanë se shefat e tyre nuk janë paraqitur fare në punë.
Ministria e Ekonomisë :
Portieri: Nuk paraqitet askush!
Gazetari: Do të thotë nuk janë në zyrë as ministri e as zëvendësministri?
Portieri: Po sigurisht, pasi nuk u paraqit sekretarja.
Gazetari: Nuk janë paraqitur as në punë?
Portieri: Ministri sigurt që nuk është këtu!”
Pas Ministrisë së Ekonomisë, bosh ishte edhe Ministria e Arsimit.
Ministria e Arsimit:
“Gazetari: A ka ardhur, a është paraqitur në punë?
Portieri: Ministri? Gazetari: Po!
Portieri: Të shoh sepse në mëngjes nuk më kanë kërkuar lift të siguroj për të!
Portieri: Sekretarja nuk po e di, qenka dëgjuar më të dhe i paska thënë se është diku në takim.”
“Ndonëse nga kabineti i Ministrisë së Financave na thanë se si ministrja ashtu edhe zëvendës-ministrja janë në vend të punës, këtu para Ministrisë pamë që as Nina Angellovska dhe as Shirete Elezi sot nuk janë paraqitur në punë.”
Ministria e Financave:
“Gazetari: A kanë ardhur në punë?
Portieri: Jo nuk është këtu, sekretarja posa doli, mundeni me të flisni!
Gazetari: A ishte në punë në mëngjes?
Portieri: Jo, nuk ishte fare në punë!
Portieri: Nuk ka asnjë as te zëvendësministrja.”
Angellovska dhe Elezi, në një përgjigje me shkrim na thanë se pushimin vjetor planifikojnë të marrin gjatë muajit gusht.
Ndërkaq, në Ministrinë e Punës dhe Politikës sociale thanë se zëvendësministri nuk është në kabinet.
Ministria e Punës dhe Politikës Sociale:
“Portieri: Nuk paraqitet askush!
Gazetari: Nuk lajmërohen?
Portieri: Ja dëgjoje …!
Gazetari: A kanë ardhur në mëngjes në punë apo fare nuk janë paraqitur?
Portieri: Të gjithë kanë ardhur këtu, por ju nuk na keni njoftuar se do të vini!”
Ankesa të shumta në redaksinë tonë kanë ardhur nga qytetarë dhe të punësuar, për ngecjen e punës nëpër këto institucione në mungesë të shefave të tyre në vendet e punës. Ka një javë që as Ministri i Shëndetësisë nuk ka dalë në konferencë për media për situatën me pandeminë.
