Hetimet ndaj imamit të xhamisë së madhe në Prishtinë, Shefqet Krasniqi, kanë rezultuar në aktakuzë.
E, kjo ka ndodhur dy vjet e pesë muaj pasi që njësitet speciale të policisë e arrestuan Krasniqin.
Tani ai po akuzohet për vepra penale që ndërlidhen me terrorizëm.
Mbi imamin Shefqet Krasniqi, rëndojnë akuza si “Shtytje për kryerjen e veprave terroriste” si dhe “Nxitje e urrejtjes, përçarjes apo mos durimit kombëtar, racor, fetar apo etnik.
Të dy veprat penale, sipas Prokurorisë Speciale, Krasniqi i kreu në vazhdimësi gjatë vitit 2013 e 2014.
Por, veprat që ndërlidhen me terrorizëm nuk janë të vetmet që rëndojnë mbi këtë imam.
Shefqet Krasniqi, akuzohet se ka bërë edhe shmangie nga tatimi në interval kohor nga viti 2011 deri bë 2016.
