Punëtorët e kombinatit metalurgjik “Jugohrom”, ditën e enjte (02.03.2017) do të protestojnë përsëri kundër mbylljes së Jugohromit.
Këtë e bëri të ditur kryetari i sindikatës së Jugohromit Bajram Amiti i cili tha se kërkesat e tjera të sindikalistëve do të bëhet publike gjatë ditës së protestës.
Sipas kumtesës, protestuesit do ta bllokojnë autostradën Tetovë-Shkup , tek pagesa rrugore në fshatin Zhelinë prej orës 11:00 deri në 13:00.
Jugohrom u mbyll më 1 nëntor të vitit të kaluar, pasi që Inspektorati shtetëror pranë Ministrisë së Mjedisit Jetësorë, konstatoi se ky kombinat nuk i plotëson standardet ekologjike që të vazhdoj më tej me punë, gjegjësisht, nuk ka ndërtuar stacionin filtrues të ajrit.
