Qeveria shprehet e hapur dhe e gatshme për të filluar debat për ndryshimet e mundshme në kalendarin e festave. Nga atje thonë se janë në koordinim të përhershëm me qytetarët, organizatat e qytetarëve, komunitetin e biznesit dhe palëve të tjera të prekura, për të gjitha çështjet e hapura në vend.
“Nëse në opinion ka një mendim se nevojiten ndryshime në kalendarin e ditëve të jo-punës dhe të festave në vend, në këtë rast Qeveria është e përgatitur që përmes një debati të gjerë publik, të precizohen ndryshimet eventuale”, thanë nga qeveria.
Sipas Ligjit për festat gjithsej në vitin 2017 shënohen 27 festa. Gjatë këtij viti për gjithë qytetarët e Maqedonisë gjithsej janë 11 ditë jopune kurse ka më shumë fundjava të zgjatura se në vitin 2016.
Ditë jo-pune dhe festat për të gjithë qytetarët e Maqedonisë
1 janar (e diel) – Viti i Ri
7 janar (e shtunë) – Dita e parë e Krishtlindjeve
1 maj, (e hënë) – Dita e Punës
17 prill, (e hënë) – Pashkët, dita e dytë e Pashkëve sipas kalendarit ortodoks
24 Maj (e mërkurë) – Dita e Shën Kirilit dhe Metodit
27 maj (e shtunë) – Ramazan Bajrami
2 gusht (e mërkurë) – Dita e Republikës
8 shtator (e premte) – Dita e Pavarësisë së Maqedonisë
11 tetor (e mërkurë) – Dita e kryengritjes popullore
23 tetor (e hënë) – Dita e Luftës Revolucionare maqedonase
8 dhjetor (e premte) – Dita e Shën Kliment Ohridskit
Përveç festave shtetërore, kalendari numëron gjithsej 9 festa fetare të tre besimeve dominuese në vend.
Ditë jo-pune dhe festat për bashkësitë fetare
Ditë jo pune për qytetarët e fesë ortodokse
6 janar (e premte) – Festa e Buzmit, para Krishtlindjeve
19 janar (e enjte) – Festa e Ujit të bekuar
14 prill (e premte) – E premte e madhe, para Pashkëve
1 qershor (e enjte) – Dita e Reshajëve
28 gusht (e hënë) – Dita e Shën Marisë
Për qytetarët e fesë katolike
17 prilli (e hënë) – Pashkët, dita e dytë e Pashkëve
1 nëntor (e mërkurë) – Festë e të gjithë shenjtorëve
25 dhjetor (e hënë) – Dita e parë e Krishtlindjeve
Për qytetarët e besimit mysliman
2 shtator (e shtunë) – Dita e parë e Kurban Bajramit
I lartë është edhe numri i festave të bashkësive etnike. Secila bashkësi shënon të paktën nga një festë, si ditë jo-pune.
Ditë jo-pune dhe festat për bashkësitë etnike
Për qytetarët që i përkasin komunitetit shqiptar në Republikën e Maqedonisë
22 nëntor (e mërkurë) – Dita e alfabetit shqiptar
Për qytetarët që i përkasin komunitetit serb në Republikën e Maqedonisë
27 janar (e premte) – Shën Sava
Për qytetarët që i përkasin komunitetit rom në Republikën e Maqedonisë
8 prill (e shtunë) – Dita Ndërkombëtare e Romëve
Për qytetarët që i përkasin bashkësisë vllehe në Republikën e Maqedonisë
23 maj (e martë) – Dita Kombëtare e Vllahëve
Për qytetarët që i përkasin bashkësisë hebraike në Republikën e Maqedonisë
30 shtator (e shtunë) – Dita e parë e Jom Kippurit
Për qytetarët që i përkasin komunitetit boshnjak në Republikën e Maqedonisë
28 shtator (e enjte) – Dita Ndërkombëtare e Boshnjakëve
Për qytetarët që i përkasin komunitetit turk në Republikën e Maqedonisë
21 dhjetor (e enjte) – Dita e gjuhës turke
Maqedonia është ndër vendet e rralla në rajon dhe më gjerë që brenda një viti ka një numër kaq të madh të ditëve jo-pune dhe të festave.
