Debati i mbrëmshëm në emisionin Arena të tv Shenja ku i ftuar ishte anëtari i kryesisë qendrore të lëvizjes Besa Afrim Gashi , ishte shkas i një reagimi të shpejtë nga ana ish deputetit Bekim Qoku i cili në lidhje me prononcimet e Afrim Gashit në këtë emision u shpreh:
“Afrim Gashi sot na kumtoi se partia e tij qëllim kryesor paska patur jo ridefinimin e shtetit, aspak, por riBDIzimin e skemës politike.
Sot kjo parti shpalosi se nuk janë për ndryshime kushtetuese rrënjësore te shtetit, të asnjë lloji, por na qenkan për vazhdimin e Marrëveshjes së Ohrit, (marrëveshje që duhej përmbyllur zyrtarisht në vitin 2004) pra ta rimarrin aty ku e paska lënë BDI tek realizimi i saj në shkallën 18 % (gjë që s’është fare e vërtetë), e ta çojnë tek 25% e mundësisht 25,2% dhe atë vetëm me anë të përgatitjes të mirëfilltë teorike?! “
